Manin davvisámegiela?

Sámegielain davvisámegielas leat eanemus hállit. Dat lea áittavulošgiella, muhto dan sáhttá oaidnit maiddái boahtteáiggi giellan. Juohke hálli leat dehálaš giela ealáskahttimis ja nannemis. Sámesearvvuš dárbbaš sámegielat ámmátolbmuid vai bastit dorvvastit sámegielat bálvalusaid. Danin davvisámegiela studeren lea hui dehálaš. 

Davvisámegiela oahpuid bokte beasat sisa sámegielat máilbmái Suomas, Norggas ja Ruoŧas. Studeret sáhttá boahtit juogo Giellaguovddáža álggahangurssaide dahje siidoávnnasoahpuide, jus máhtát juo sámegiela (25 oč.)

Oahppiid vásáhusat: “Mu giella ii leat jávkan”

Dán videos min oahppit Tanja Härkönen ja Anri Ronkainen muitalit giela ja oahpuid mearkkašumis. Soai leaba studeren davvisámegiela barggu olis. Tanja lea čađahan oahpuid rabas universitehtas, ja Anri fas Lappi ámmátallaskuvlla restonoma oahpuid áigge. Jus video ii oidnogoađe njuolga, de deaddil čuovvovaš liŋkka.

Bargomárkaniin lea stuorra dárbu olbmuide, geat máhttet davvisámegiela. Jus áiggut váldit oasi siidoávdnasa oahpuide, fertet máhttit sámegiela. Oahpput leat plánejuvvon bargoeallima várás, ja oahpat dain dakkár gielladáiddu, man dárbbašat barggus. 

Oahpuide sáhttet váldit oasi buohkat. Siidoávdnasa oahput bistet 2 jagi ja oahpahus ordnejuvvo gáiddusin. Don sáhtát váldit oasi daidda gos beare. Siidoávdnasa sáhttá čađahit oppa ollisvuohtan dahje das sáhttá válljet ovttaskas gurssaid dárbbuidat mielde. Siidoávdnasa čađaheapmái gullá bargohárjehallan sámegielat bargobirrasis.