Sámedutkan oalgeávnnasin

Sámedutkan lea máŋggadieđalaš fága ja Lappi universitehta buot dieđagottiid ovttasbargoprošeakta. Servodatdieđalaš ja riektedieđalaš sámedutkan gullá universitehtamet riikkaviidosaš earenoamaš doaimmaide ja lea guovddážis universitehta dutkanprofiilla. 

Sámedutkamis mii lahkonit fáttáid sámeservoša iežas ráhkadusaid ja oaidninčiegaid bokte. Dutkamuš lea oassi viiddit našunála, riikkaidgaskasaš ja álgoálbmogiid dieđalaš ságastallama. Min dutkansuorgi guoská earet eará sámeservošiid sosiála, kultuvralaš ja politihkalaš ráhkadusaid ja oktavuođaid, buresveadjima, ealáhusaid, eanangeavaheami, láhkaásaheami, dáidaga ja skuvlejumi. 

Bures boahtin oahpásmuvvat min dutkamušaide ja dutkiide univeristehta dutkanportála siidduin. Geavat ohcansátnin “sámedutkan”. Min ovttasbargoguoimmit leat earet eará Oulu universitehta Giellagas-instituhtta ja Sámi oahpahusguovddáš. Dasa lassin mis lea nana ovttasbargu davviriikalaš sámedutkamii, arktalaš álgoálbmotdutkamii ja báikkálaš sámeservošiidda. Mii leat aktiivvalaččat mielde maid UArctic– ja BCBU-fierpmádagain.